കണ്ണൂര്: ട്രെയിനില് വിദ്യാര്ത്ഥിനിക്ക് നേരെ ലൈംഗികാതിക്രമം. കോയമ്പത്തൂര് – മംഗളൂരു ഇന്റര്സിറ്റിയില് ഇന്നലെ രാവിലെയാണ് സംഭവം. വിദ്യാര്ത്ഥിനിയുടെ പരാതിയില് കണ്ണൂര് പടപ്പയങ്ങാട് സ്വദേശി ജോര്ജ് ജോസഫിനെ കണ്ണൂര് പൊലീസ് അറസ്റ്റ് ചെയ്തു. ദുരനുഭവത്തിന്റെ ദൃശ്യങ്ങള് സാമൂഹിക മാധ്യമത്തിലൂടെ വിദ്യാര്ത്ഥിനി പുറത്തുവിട്ടു.
നടുറോഡില് സ്ത്രീയെ കടന്നുപിടിച്ചു; യുവാവ് അറസ്റ്റില്
തൃശൂര്: വീട്ടിലേക്ക് നടന്നു പോവുകയായിരുന്ന സ്ത്രീയെ ആളൊഴിഞ്ഞ പ്രദേശത്ത് വച്ച് പിന്നിലൂടെ സ്കൂട്ടറിലെത്തി കടന്നുപിടിച്ച യുവാവ് അസ്റ്റില്. മാപ്രാണം സ്വദേശി മുരിങ്ങത്തേരി വീട്ടില് ജെറാള്ഡ് (24) ആണ് അറസ്റ്റിലായത്. അപ്രതീക്ഷിതമായ ആക്രമണത്തില് ഭയന്ന സ്ത്രീക്ക് വാഹനത്തിന്റെ നമ്പര് നോക്കാന് സാധിച്ചിരുന്നില്ല. സ്ത്രീയുടെ പരാതിയില് കേസെടുത്ത് അന്വേഷണം ആരംഭിച്ച വിയ്യൂര് പൊലീസ് പരിസരങ്ങളിലെ നിരവധി സിസി ടിവി ക്യാമറകള് പരിശോധിച്ചതിന്റെ അടിസ്ഥാനത്തില് ഓണ്ലൈന് ഭക്ഷണ വിതരണ കമ്പനിയുടെ ഡെലിവറി ബോയ് ആണ് പ്രതിയെന്ന് മനസിലായി. തുടര്ന്ന് നടത്തിയ അന്വേഷണത്തിലാണ് യുവാവ് വലയിലായത്. വിയ്യൂര് സ്റ്റേഷന് ഹൗസ് ഓഫീസര് കെ.സി ബൈജുവിന്റെ നേതൃത്വത്തില് എസ്.ഐ ജിനികുമാര്, സീനിയര് സിവില് പൊലീസ് ഓഫീസര് ശ്രീദേവി, സിവില് പൊലീസ് ഓഫീസര്മാരായ അനില്കുമാര് പി സി, വിമല്രാജ് എന്നിവരടങ്ങുന്ന സംഘം തൃശൂര് റെയില്വേ സ്റ്റേഷന് പരിസരത്ത് നിന്നാണ് യുവാവിനെ അറസ്റ്റ് ചെയ്തത്. കോടതിയില് ഹാജരാക്കിയ ഇയാളെ റിമാന്ഡ് ചെയ്തു.