ഇസ്ലാമാബാദ്: ഇന്ത്യ വേദിയാവുന്ന ഐസിസി ഏകദിന ലോകകപ്പിലെ പാകിസ്ഥാന് ക്രിക്കറ്റ് ടീമിന്റെ പങ്കാളിത്തം സംബന്ധിച്ചുള്ള നാടകീയതകള്ക്ക് വിരാമം. ലോകകപ്പില് പങ്കെടുക്കാന് പാകിസ്ഥാന് സര്ക്കാര് അവരുടെ ക്രിക്കറ്റ് ടീമിന് അനുമതി നല്കി. പാകിസ്ഥാന് വിദേശകാര്യമന്ത്രാലയം ഇക്കാര്യം സ്ഥിരീകരിച്ചതായി അന്താരാഷ്ട്ര വാര്ത്താ ഏജന്സിയായ റോയിട്ടേഴ്സ് റിപ്പോര്ട്ട് ചെയ്തു. ഇരു രാജ്യങ്ങളും തമ്മിലുള്ള നയതന്ത്ര പ്രശ്നങ്ങള് കാരണം പാകിസ്ഥാന് ടീം ലോകകപ്പില് പങ്കെടുക്കുന്ന കാര്യം ആശയക്കുഴപ്പത്തിലായിരുന്നു. ഇരു ടീമുകളും തമ്മില് ഒരു പതിറ്റാണ്ടായി പരമ്പരകളൊന്നും നടക്കുന്നില്ല. ഐസിസി, എസിസി ടൂര്ണമെന്റുകളില് മാത്രമേ ഇന്ത്യ, പാക് ടീമുകള് ഒന്നിച്ച് മത്സരിക്കുന്നുള്ളൂ.
പാകിസ്ഥാന് ടീമിന് ഇന്ത്യയിലേക്ക് യാത്ര ചെയ്യാന് അനുമതി നല്കിയതോടെ ലോകകപ്പിലെ ഇന്ത്യ- പാക് സൂപ്പര് പോരാട്ടം ഉറപ്പായി.