തത്തനംതിട്ട: ഭക്തലക്ഷങ്ങൾ പ്രാർത്ഥനയോടെ കാത്തിരിക്കുന്ന ശബരിമല മകരവിളക്ക് ഇന്ന് നടക്കുന്നു. അയ്യപ്പ വിഗ്രഹത്തിൽ ചാർത്താനുള്ള തിരുവാഭരണ ഘോഷയാത്ര വൈകിട്ട് ദേവസ്വം എക്സിക്യൂട്ടീവ് ഓഫീസറുടെ നേതൃത്വത്തിൽ ശരംകുത്തിയിൽ സ്വീകരിക്കും. ആറരയോടെ അയ്യപ്പന് തിരുവാഭരണം ചാർത്തി മഹാദീപാരാധന നടത്തും. ദീപാരാധനയ്ക്ക് ശേഷം കിഴക്ക് പൊന്നമ്പലമേട്ടിൽ മകര ജ്യോതി ദൃശ്യമാവും. മകരവിളക്ക് ദർശനം സാധ്യമാകുന്ന എല്ലാ സ്ഥലങ്ങളിലും പർണശാലകൾ നിറഞ്ഞു കിടക്കുന്നു. കഴിഞ്ഞ രണ്ട് ദിവസമായി ദർശനത്തിന് എത്തിയ തീർത്ഥാടകർ മലയിറങ്ങാതെ കാത്തിരിപ്പിലാണ്. ശബരിമലയിലും നിലക്കലിലും, പമ്പയിലും സമീപ പ്രദേശങ്ങളിലായി 5000 പോലീസുകാർ സുരക്ഷ ഒരുക്കും. ഇന്ന് ഉച്ചക്ക് 12 മണി വരെ മാത്രമാണ് തീർത്ഥാടകരെ ശബരിമലയിൽ പ്രവേശിപ്പിക്കുക.
വിവരങ്ങൾ ഇങ്ങനെ:
മകരവിളക്കിനായി ശബരിമലയിൽ ഈ വർഷം രണ്ട് ലക്ഷത്തോളം ഭക്തരുടെ വരവിന് പ്രതീക്ഷിക്കുന്നു. സന്നിധാനത്ത് മകരവിളക്ക് ദർശനം സാധ്യമാകുന്ന എല്ലാ സ്ഥലങ്ങളിലും പർണശാലകൾ നിറഞ്ഞുകഴിഞ്ഞു. കഴിഞ്ഞ രണ്ട് ദിവസമായി ദർശനത്തിന് എത്തിയ തീർത്ഥാടകർ മലയിറങ്ങാതെ ജ്യോതി ദർശനത്തിനായി കാത്തിരിക്കുന്നു. ഇന്ന്, പൂർണമായും കാനന പാതയിലൂടെ സഞ്ചരിക്കുന്ന തിരുവാഭരണ ഘോഷയാത്രയെ അഞ്ചരയ്ക്ക് ദേവസ്വം എക്സിക്യൂട്ടീവ് ഓഫീസറുടെ നേതൃത്വത്തിൽ ശരംകുത്തിയിൽ സ്വീകരിക്കും. ആറരയോടെ അയ്യപ്പന് തിരുവാഭരണം ചാർത്തി മഹാദീപാരാധന നടത്തും. ദീപാരാധനയ്ക്ക് ശേഷം കിഴക്ക് പൊന്നമ്പലമേട്ടിൽ മകര ജ്യോതി ദൃശ്യമാവും.
മകരജ്യോതി ദർശനം: സന്നിധാനത്ത് ഒരുക്കങ്ങൾ സമാപിച്ചു
ഈ വർഷത്തെ മകരവിളക്ക് മഹോത്സവവുമായി ബന്ധപ്പെട്ട എല്ലാ ഒരുക്കങ്ങളും പൂർത്തിയായതായി തിരുവിതാംകൂർ ദേവസ്വം ബോർഡ് പ്രസിഡന്റ് പി.എസ്. പ്രശാന്ത് സന്നിധാനത്ത് ദേവസ്വം ബോർഡ് കോൺഫറൻസ് ഹാളിൽ നടത്തിയ വാർത്താസമ്മേളനത്തിൽ അറിയിച്ചു. ദേവസ്വം ബോർഡ് പ്രസിഡന്റും, ശബരിമല ചീഫ് പോലീസ് കോ-ഓർഡിനേറ്ററും, ശബരിമല സ്പെഷ്യൽ കമ്മീഷണറും, സന്നിധാനം സ്പെഷ്യൽ ഓഫീസറും, ദേവസ്വം ബോർഡ് അംഗങ്ങളും ചേർന്ന് അവസാന പരിശോധനകൾ പൂർത്തിയാക്കി.
മകരജ്യോതിദർശനത്തിനായി സന്നിധാനത്തും മറ്റ് സ്ഥലങ്ങളിലും ഭക്തരുടെ സുരക്ഷ ഉറപ്പാക്കാൻ പൊലീസ്, വനംവകുപ്പ്, റാപ്പിഡ് ആക്ഷൻ ഫോഴ്സ്, മറ്റ് സർക്കാർ ഏജൻസികൾ എന്നിവയുടെ നേതൃത്വത്തിൽ ബാരിക്കേഡുകൾ സ്ഥാപിക്കുകയും വെളിച്ചത്തിനായുള്ള സംവിധാനങ്ങൾ ഒരുക്കുകയും ചെയ്തിട്ടുണ്ട്. മകരവിളക്ക് ദർശനം കഴിഞ്ഞ് പമ്പയിലേക്ക് മടങ്ങുന്ന ഭക്തർ പൊലീസ് നിർദ്ദേശങ്ങൾ കർശനമായി പാലിക്കണമെന്ന്, അപകടങ്ങൾ ഒഴിവാക്കാൻ ഓരോ ഭക്തനും സ്വയം നിയന്ത്രണം പാലിക്കണമെന്ന് പ്രസിഡന്റ് അറിയിച്ചു.
