തിരുവനന്തപുരം: മലയാളത്തിലെ മാധ്യമ മേഖലയിലെ ഒരു വഴിവിളക്കായി മാറിയ എഷ്യാനെറ്റ് ന്യൂസിന്റെ എഡിറ്റർ ഇൻ ചീഫായിരുന്ന ടി എൻ ഗോപകുമാറിന്റെ പേരിൽ ടിഎൻജി പുരസ്കാരം പ്രഖ്യാപിച്ചു. വയനാട് ദുരന്തത്തിൽ ജീവൻ നഷ്ടപ്പെട്ടവരുടെയും രക്ഷാപ്രവർത്തനത്തിൽ പങ്കെടുത്തവരുടെയും സേവനത്തെ അംഗീകരിക്കുന്നതിനാണ് ഈ വർഷത്തെ ടിഎൻജി പുരസ്കാരം. ഈ മാസം 30-ന് കൽപ്പറ്റയിൽ നടക്കുന്ന ചടങ്ങിൽ പുരസ്കാരം വിതരണം ചെയ്യും. സാമൂഹ്യ പ്രതിബദ്ധതയും സഹജീവികളോടുള്ള കരുണയും കാണിക്കുന്നവർക്കാണ് എല്ലാ തവണയും, ഈ തവണയും പുരസ്കാരം നൽകുന്നത്. ആറ് വ്യക്തികൾക്കും നാല് സംഘടനകൾക്കുമാണ് പുരസ്കാരം നൽകുന്നത്.
രുള്‍പൊട്ടലില്‍ ദുരിതത്തിലേക്ക് തള്ളപ്പെട്ട വയനാട്ടിലെ മൂന്ന് ഗ്രാമങ്ങള്‍ ഇപ്പോൾ ഒരു തിരിച്ചുവരവിന്റെ പാതയിലാണ്. മഹാദുരന്തത്തിന്റെ നടുവില്‍ അചഞ്ചലമായി സഹജീവി സ്നേഹത്തിന്റെ മാതൃകയായ നിരവധി വ്യക്തികള്‍ ഉണ്ട്. രക്ഷാപ്രവര്‍ത്തനത്തിനിടെ സ്വജീവന്‍ നഷ്ടമായവരും, മരണം നേരിടുമ്പോഴും ദുരന്തത്തെക്കുറിച്ച് ലോകത്തോട് വിളിച്ചുചൊല്ലിയവരും, ജീവന്‍ പണയംവച്ച് രക്ഷാപ്രവര്‍ത്തനത്തിനിറങ്ങിയവരും ഉണ്ട്. ഇത്തരത്തില്‍ ദുരന്തഭൂമിയില്‍ മനുഷ്യ സ്നേഹത്തിന്റെ മഹാമാതൃകയായി മാറിയ ചില വ്യക്തികള്‍ ഈ വര്‍ഷത്തെ ടിഎന്‍ജി പുരസ്കാരത്തിന് അര്‍ഹരായിട്ടുളളത്.
