നിപ ഭീതിയൊഴിഞ്ഞു തിരുവനന്തപുരം. പനി ബാധിച്ച് മെഡിക്കൽ കോളേജിൽ ചികിത്സയിലായിരുന്ന മെഡിക്കൽ വിദ്യാർത്ഥിനിയുടെ പരിശോധനയിൽ നിപ്പ നെഗറ്റീവ് ആണ്. തോന്നയ്ക്കല്‍ വൈറോളജി ഇൻസ്റ്റിറ്റ്യൂട്ടിൽ നടത്തിയ പരിശോധനാ ഫലം പ്രസിദ്ധീകരിച്ചു. ഇൻസ്റ്റിറ്റ്യൂട്ടിൽ നടത്തിയ ആദ്യ നിപ പരിശോധനയായിരുന്നു ഇത്.
നിപ സംശയത്തെ തുടർന്ന് ഈ മെഡിക്കൽ വിദ്യാർത്ഥിയെ കഴിഞ്ഞ ദിവസമാണ് പ്രത്യേക വാർഡിലേക്ക് മാറ്റിയത്. വവ്വാല്‍ കടിച്ച ഭിക്ഷ കഴിച്ചതായി സംശയിക്കുന്നതായും വിദ്യാർത്ഥി പറഞ്ഞു. ഇതോടെയാണ് വിദ്യാർത്ഥിനിയെ സജ്ജീകരിച്ച മുറിയിൽ നിരീക്ഷണത്തിലാക്കിയത്.
അതിനിടയിലാണ് ആശ്വാസകരമായ മറ്റൊരു വാർത്ത അറിഞ്ഞത്. കോഴിക്കോട് ആശുപത്രിയിൽ നിപ ബാധിച്ച് ചികിത്സയിൽ കഴിയുന്ന യുവാവിന്റെ ആരോഗ്യനില മെച്ചപ്പെട്ടതായി റിപ്പോർട്ട്. പനി മാറിയെന്നും അണുബാധ കുറഞ്ഞെന്നുമാണ് വിവരം. എന്നാൽ ഗുരുതരാവസ്ഥയിൽ കഴിയുന്ന 9 വയസുകാരന്റെ ആരോഗ്യനിലയിൽ മാറ്റമൊന്നും ഉണ്ടായില്ല.
കഴിഞ്ഞ ദിവസം മെഡിക്കൽ ജീവനക്കാരനും നിപ ബാധിച്ചു. സ്വകാര്യ ആശുപത്രിയിലെ ആരോഗ്യ പ്രവർത്തകനായ 24 കാരനാണ് വൈറസ് ബാധ സ്ഥിരീകരിച്ചത്. നിലവിൽ ഗുരുതരമായ ആരോഗ്യപ്രശ്നങ്ങളൊന്നുമില്ല. നിപ ബാധിച്ച് അവസാനമായി സ്ഥിരീകരിച്ച ആരോഗ്യ പ്രവർത്തകനും ആദ്യം മരിച്ച രോഗിയുടെ കോൺടാക്റ്റ് ലിസ്റ്റിൽ ഉണ്ടായിരുന്നു. ഇതോടെ ജില്ലയിൽ രോഗബാധിതരുടെ എണ്ണം മൂന്നായി.
