തിരുവനന്തപുരം: ബംഗാൾ ഉൾക്കടലിൽ രൂപം കൊണ്ട ന്യൂനമർദം അടുത്ത അഞ്ച് ദിവസത്തിനുള്ളിൽ കേരളത്തിൽ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ നിരീക്ഷണ കേന്ദ്രത്തിന്റെ പ്രവചനം. വടക്കൻ-മധ്യ ബംഗാൾ ഉൾക്കടലിൽ ന്യൂനമർദ്ദം രൂപപ്പെട്ടു. അടുത്ത 24 മണിക്കൂറിനുള്ളിൽ തെക്കൻ ഒഡീഷയിലും വടക്കൻ തീരദേശ ആന്ധ്രയിലും ചുഴലിക്കാറ്റ് ശക്തി പ്രാപിക്കാനാണ് സാധ്യത.
പുതിയ ന്യൂനമർദം രൂപപ്പെടുന്നതോടെ കേരളത്തിൽ അടുത്ത അഞ്ച് ദിവസത്തേക്ക് ഇടത്തരം/മിതമായ മഴ തുടരാൻ സാധ്യതയുണ്ടെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം അറിയിച്ചു. തെക്കുപടിഞ്ഞാറൻ ഉത്തർപ്രദേശിലാണ് ഇപ്പോൾ ചക്രവാടച്ചുഴി സ്ഥിതി ചെയ്യുന്നത്. അടുത്ത മൂന്ന് മണിക്കൂറിനുള്ളിൽ കേരളത്തിലെ കൊല്ലം, തൃശൂർ, മലപ്പുറം, കണ്ണൂർ, കാസർകോട് ജില്ലകളിലെ ഒറ്റപ്പെട്ട സ്ഥലങ്ങളിൽ നേരിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം അറിയിച്ചു. വരും ദിവസങ്ങളിലും കേരളത്തിൽ മിതമായ മഴ തുടരാനാണ് സാധ്യത.
