കൊച്ചി: അൽമുക്താദിർ ജ്വല്ലറിയിൽ നടത്തിയ ആദായ നികുതി റെയ്ഡിൽ നികുതി വെട്ടിപ്പ് കണ്ടെത്തിയിട്ടുണ്ട്. വലിയ തോതിൽ കളളപ്പണം വെളിപ്പെടുത്തിയതായി ഇൻകം ടാക്സ് റിപ്പോർട്ട് ചെയ്യുന്നു. കേരളത്തിൽ മാത്രം 380 കോടി രൂപയുടെ നികുതി വെട്ടിപ്പ് കണ്ടെത്തിയതായി അറിയിച്ചിട്ടുണ്ട്. ഇൻകം ടാക്സ് ഇൻവെസ്റ്റിഗേഷൻ വിഭാഗത്തിന്റെ റെയ്ഡ് തുടരുകയാണ്, സംസ്ഥാനത്തെ 30 കടകളിൽ പരിശോധന പുരോഗമിക്കുന്നു.
പഴയ സ്വർണം വാങ്ങിയതിന്‍റെ പേരിൽ തട്ടിപ്പുകൾ നടന്നതായി കണ്ടെത്തി. മുംബൈയിലെ ഗോൾഡ് പർച്ചേസ് സ്ഥാപനമായ യുണീക് ചെയിൻസ് എന്ന സ്ഥാപനത്തിലും പരിശോധന നടത്തി. അൽമുക്താദിറയുമായി നടത്തിയ സ്വർണക്കച്ചവടത്തിൽ 400 കോടിയുടെ തിരിമറി കണ്ടെത്തിയതായി റിപ്പോർട്ട് ചെയ്യുന്നു. ഇൻകംടാക്സ് ഇൻവെസ്റ്റിഗേഷൻ, തിരുവനന്തപുരം യൂണിറ്റ്, റെയിഡ് നടത്തുകയായിരുന്നു.
