കോട്ടയം: സാമ്പത്തിക ക്രമക്കേടുകൾക്കും വിവാദങ്ങൾക്കും ഇടയിൽ, കോട്ടയം നഗരസഭ കൗൺസിൽ യോഗം ഇന്ന് ചേരുന്നു. 211 കോടി രൂപയുടെ സാമ്പത്തിക ക്രമക്കേട് സംബന്ധിച്ച വിവരം പുറത്തുവന്നതിന്റെ പശ്ചാത്തലത്തിൽ, നഗരസഭയുടെ കൗൺസിൽ യോഗം ഇത് ആദ്യമായാണ് ചേരുന്നത്. തദ്ദേശ വകുപ്പ് ഓഡിറ്റിൽ, കോട്ടയം നഗരസഭയുടെ ബാങ്ക് അക്കൗണ്ടിൽ 211 കോടി രൂപ കാണാനില്ലെന്ന് കണ്ടെത്തിയിരുന്നു. ഈ വിഷയത്തിൽ പ്രതിപക്ഷം ഇന്ന് കൗൺസിൽ യോഗത്തിൽ ചർച്ച നടത്തും. നഗരസഭയിലെ സാമ്പത്തിക ഇടപാടുകളുടെ മുഴുവൻ വിവരങ്ങളും എൽഡിഎഫ് കൗൺസിലർമാർ ആവശ്യപ്പെടും. ക്രമക്കേട് സംബന്ധിച്ച വിവരങ്ങൾക്ക് ഇതുവരെ യുഡിഎഫ് ഭരിക്കുന്ന നഗരസഭയുടെ മറുപടി ലഭിച്ചിട്ടില്ല. തദ്ദേശ വകുപ്പിന്റെ അന്വേഷണത്തിൽ ഒടുവിൽ കാര്യങ്ങൾ വ്യക്തമാകുമെന്ന് ചെയർപേഴ്സൺ നൽകിയ മറുപടി മാത്രമാണ്. നഗരസഭയ്ക്ക് പുറത്ത് എൽഡിഎഫ് നടത്തുന്ന സമരങ്ങൾ തുടരുന്ന സാഹചര്യത്തിലാണ് കൗൺസിൽ യോഗം ചേരുന്നത്.
കോഴിക്കോട്: ചോദ്യ പേപ്പർ ചോർച്ച കേസിൽ എം എസ് സൊല്യൂഷൻസിലെ രണ്ട് അധ്യാപകർ കസ്റ്റഡിയിൽ എടുത്തു. കോഴിക്കോട് പുതിയങ്ങാടി സ്വദേശിയായ ജിഷ്ണു, മലപ്പുറം സ്വദേശിയായ ഫഹദ് എന്നിവരെയാണ് ക്രൈബ്രാഞ്ച് കസ്റ്റഡിയിലെടുത്തത്. …
