പാരീസ്: പാരീസ് ഒളിമ്പിക്‌സ് വനിതകളുടെ 50 കിലോഗ്രാം ഗുസ്തി ഫൈനലിൽ നിന്ന് ഇന്ത്യയുടെ വിനേഷ് ഫോഗട്ടിനെ അയോഗ്യനാക്കിയതായി അന്താരാഷ്ട്ര ഒളിമ്പിക് കമ്മിറ്റി (ഐഒസി) ഔദ്യോഗികമായി അറിയിച്ചു. അന്താരാഷ്ട്ര ഒളിമ്പിക് കമ്മിറ്റിയുടെ ഔദ്യോഗിക പ്രഖ്യാപനത്തോടെ ഇന്ത്യയുടെ നേരിയ പ്രതീക്ഷകൾ അസ്തമിച്ചു.
പ്രധാനമന്ത്രി നരേന്ദ്ര മോദി ഇന്ത്യൻ ഒളിമ്പിക് കമ്മിറ്റി അധ്യക്ഷ പി ടി ഉഷയെ ഫോണില്‍ ബന്ധപ്പെട്ട് വിനേഷിന്‍റ അയോഗ്യത നീക്കാന്‍ സാധ്യമായതെല്ലാം ചെയ്യണമെന്ന് ആവശ്യപ്പെട്ടിരുന്നു. അത്തരം ശ്രമങ്ങൾ ഇന്ത്യ ഭാഗത്തു നിന്ന് ഉണ്ടായോ എന്ന് വ്യക്തമല്ല. വിനേഷിനെ അയോഗ്യനാക്കിയതായി ഐഒസി ഔദ്യോഗികമായി പ്രഖ്യാപിച്ചതോടെ ഈ സാധ്യത ഇല്ലാതായി.
വിനേഷിനെ അയോഗ്യനാക്കപ്പെട്ടതിനെ തുടർന്ന് ഫൈനലിലേക്ക് യോഗ്യത നേടിയ സാറ ഹിൽഡെബ്രാൻഡ് സ്വർണമെഡൽ നേടുമെന്ന് നേരത്തെ പ്രഖ്യാപിച്ചതിന് മാറ്റമുണ്ട്. ഇന്ന് രാത്രി ഫൈനൽ നടക്കുമെന്നും സെമിയിൽ വിൻസെയോട് തോറ്റ ക്യൂബയുടെ യൂസ്നെലിസ് ഗുസ്മാൻ ലോപ്പസ് ഫൈനലിൽ സാറ ഹിൽഡെബ്രാൻഡിനെ നേരിടുമെന്നും ഐഒസി അറിയിച്ചു. ക്വാര്‍ട്ടറില്‍ വിനേഷ് തോല്‍പ്പിച്ച യുക്രൈന്‍ താരം ഒസ്കാന ലിവാച്ച് വെങ്കല മെഡല്‍ പോരാട്ടത്തിനുള്ള റെപ്പഷാഗ് മത്സരത്തിനും യോഗ്യത നേടി.
പാരീസ് ഒളിമ്പിക്‌സിൽ ഇന്ത്യയുടെ ആദ്യ സ്വർണമെഡൽ പ്രതീക്ഷിച്ച ആരാധകരെ ഞെട്ടിക്കുന്നതായിരുന്നു ഗുസ്തിയിൽ നിന്ന് വിനേഷ് ഫോഗട്ടിൻ്റെ അയോഗ്യത പ്രഖ്യാപിച്ചത്. 50 കിലോഗ്രാം ഫ്രീസ്റ്റൈൽ ഗുസ്തി ഫൈനലിന് മുന്നോടിയായി മത്സര ദിവസം നടത്തിയ പതിവ് ഭാര പരിശോധനയിൽ 100 ഗ്രാമിന് മുകളിൽ ഭാരമുള്ളതായി തെളിഞ്ഞതിനെ തുടർന്ന് അന്താരാഷ്ട്ര ഒളിമ്പിക് കമ്മിറ്റി വിനേഷിനെ അയോഗ്യനാക്കി.
